Azərbaycan Mərkəzi Bankı CPM-Invest və Troni şirkətlərinə icrası məcburi göstəriş verib

Azərbaycan Mərkəzi Bankı (AMB) "CPM-İnvest İnvestisiya Şirkəti" və "Troni İnvestisiya Şirkəti" QSC-lərə icrası məcburi göstəriş verib.

FinFly AMB-yə istinadən xəbər verir ki, aparılmış tematik yoxlamalar çərçivəsində hər iki investisiya şirkətində "İnvestisiya şirkətlərində korporativ idarəetmə Standartları"-nın tələblərinə tam əməl edilmədiyi aşkarlanıb.

Bununla bağlı investisiya şirkətlərinə xəbərdarlıq edilib, pozuntuların ən qısa zamanda aradan qaldırılması üçün icrası məcburi göstəriş verilib.

---