Azərbaycan Mərkəzi Bankı ANİpay platformasına yeni istifadəçilərin qeydiyyatını dayandırıb

Azərbaycan Mərkəzi Bankı ani ödəniş sistemi olan ANİpay platformasına yeni istifadəçilərin qeydiyyatını dayandırıb.

FinFly xəbər verir ki, əvvəllər qeydiyyatdan keçmiş istifadəçilər ANİpay üzərindən ödənişlər və Açıq Bankçılıq xidmətlərindən istifadəyə davam edə bilərlər.

Yeni istifadəçilər isə qeydiyyat və ödənişləri yalnız ödəniş xidməti təchizatçılarının bu sistemə inteqrasiya olunmuş internet və mobil xidmətləri vasitəsilə həyata keçirə biləcəklər.

---