Azərbaycan kənd təsərrüfatı xərclərini azaldıb

2025-ci ilin I rübündə Azərbaycanın dövlət büdcəsində kənd təsərrüfatı üzrə xərclər 139 faiz və yaxud 334,5 milyon manat səviyyəsində icra olunub.

FinFly bu barədə Maliyyə Nazirliyinə istinadən xəbər verir.

Məlumata görə, bu 2024-cü ilin eyni dövrü ilə müqayisədə 2,2 faiz və yaxud 7,5 milyon manat azdır.

Hesabat dövründə kənd təsərrüfatı xərcləri faktiki büdcə xərclərinin 4,1 faizini təşkil edib.

Xatırladaq ki, bu ilin dövlət büdcəsindən kənd təsərrüfatı sektoruna 1 milyard 203,806 milyon manat ayrılması nəzərə tutulub.

---