Azərbaycan iqtisadiyyatına xarici investisiyalar artıb

2025-ci ilin yanvar-aprel aylarında Azərbaycanda əsas kapitala xarici mənbələrdən 1 milyard 297,7 milyon manat​​​​​ vəsait yönəldilib.

FinFly Dövlət Statistika Komitəsinə istinadən xəbər verir ki, bu, 2024-cü ilin eyni dövrü ilə müqayisədə 27,2 faiz çoxdur.

Hesabat dövründə xarici investisiyaların 1 milyard 252,2 milyon manatı (96,6 faizi) Böyük Britaniya, Birləşmiş Ərəb Əmirlikləri (BƏƏ), Türkiyə, İsveçrə, Rusiya, ABŞ, Yaponiya, İran, Macarıstan, Fransa və Hindistan sərmayədarlarına məxsus olub.

---