Azərbaycan gübrə ixracından qazancını artırıb

2025-ci ilin yanvar-iyun aylarında Azərbaycan 46,354 milyon ABŞ dolları dəyərində gübrə idxal edib.

FinFly Dövlət Gömrük Komitəsinə istinadən xəbər verir ki, bu, 2024-cü ilin eyni dövrü ilə müqayisədə 12 faiz çoxdur.

Hesabat dövründə Azərbaycandan gübrə ixracının dəyəri isə 92,822 milyon ABŞ dolları təşkil edib. Bu, 1 il əvvələ nisbətən 75 faiz çoxdur.

Gübrə üzrə idxal Azərbaycanın ümumi idxalının 0,4 faizini, ixrac isə ümumi ixracın 0,72 faizini təşkil edib.

---