Azərbaycan banklarında problemli kreditlər artır

2025-ci ilin noyabrın 1-nə Azərbaycanda vaxtı keçmiş kreditlərin məbləği 544,8 milyon manat təşkil edib.

FinFly Azərbaycan Mərkəzi Bankına (AMB) istinadən xəbər verir ki, bu, oktyabrın 1-i ilə müqayisədə 3,2 faiz çoxdur.

Ölkədə problemli kreditlərin məbləği ilin əvvəlinə nisbətən 21,3 faiz, son 1 ildə isə 13,55 faiz artıb.

Oktyabrın sonuna vaxtı keçmiş kreditlərin ümumi kredit portfelində xüsusi çəkisi 1,7 faiz təşkil edib. Bu nisbət sentyabrın sonuna da 1,7 faiz, ötən il dekabrın sonuna 1,5 faiz, ötən il oktyabrın sonuna isə 1,7 faiz olub.

---