Azərbaycan bankları kredit faizlərini artırıb

2025-ci ilin mart ayının 1-nə olan məlumata görə, Azərbaycanda milli valyutada yeni verilmiş kreditlər üzrə orta illik faiz dərəcəsi 18,07 faiz təşkil edib.

FinFly xəbər verir ki, bu göstərici Azərbaycan Mərkəzi Bankının açıqladığı statistikaya əsasən, ötən ayla müqayisədə 0,32 faiz bəndi, 2024-cü ilin eyni dövrü ilə müqayisədə isə 2 faiz bəndi artım nümayiş etdirib.

Cari ilin mart ayının 1-nə ölkədə bank sektorunun ümumi kredit portfeli 27 milyard 592,4 milyon manat təşkil edib. Bu portfelin strukturu aşağıdakı kimidir: Biznes kreditləri – 14 milyard 777 milyon manat İstehlak kreditləri – 8 milyard 544 milyon manat İpoteka kreditləri – 4 milyard 271,4 milyon manat.

---