AYİB Türkiyədəki layihələr portfelini açıqlayıb

28 Avq, 2025 12:12

2025-ci ilin iyul ayının sonuna, Avropa Yenidənqurma və İnkişaf Bankının (AYİB) Türkiyədəki layihələr portfeli 7,852 milyard avro təşkil edib və 253 layihəni əhatə edir.

FinFly-nin AYİB-ə istinadən verdiyi məlumata görə, bankın bu layihələrdə payı 10 faiz, əməliyyat aktivlərinin həcmi isə 5,769 milyard avro həcmində qiymətləndirilir. Özəl sektorun ümumi portfel dəyərindəki payı 84 faiz təşkil edir.

Türkiyədə fəaliyyətə başladığı gündən AYİB ölkə iqtisadiyyatına ümumilikdə 22,516 milyard avro sərmayə qoyub. Ayrılan vəsaitin ümumi həcmi 20,734 milyard avro təşkil edir.

Bu günə qədər AYİB Türkiyədə 497 layihənin həyata keçirilməsinə dəstək verib.