AYİB Azərbaycandakı layihə portfeli üzrə məlumatları yeniləyib

Cari ilin may ayının sonuna olan məlumata görə, Avropa Yenidənqurma və İnkişaf Bankı (AYİB) Azərbaycandakı layihə portfelini 991 milyon avroya çatdırıb və bu məbləğ 34 layihəni əhatə edir.

FinFly bu barədə AYİB-ə istinadən xəbər verir.

Portfelin ümumi həcmində özəl sektorun payı 36%-dir.

Dayanıqlı infrastruktur AYİB-in ölkədəki fəaliyyətində əsas prioritet istiqamətlərdən biri olaraq qalır və bu sahəyə 886 milyon avrodan çox investisiya qoyulub. Qalan aktivlər isə maliyyə institutları və korporativ sektor arasında bölüşdürülüb.

AYİB Azərbaycanda fəaliyyətə başladığı vaxtdan bəri ölkə iqtisadiyyatına ümumilikdə 4,064 milyard avro həcmində investisiya yatırıb.

---