AYİB Azərbaycandakı kredit portfelini artırıb

Bu il yanvarın 31-nə Avropa Yenidənqurma və İnkişaf Bankının (AYİB) Azərbaycandakı kredit portfeli 1,082 milyard avro təşkil edib.

FinFly AYİB-ə istinadən xəbər verir ki, bu, ötən il dekabrın 31-i ilə müqayisədə 30 milyon avro və yaxud 2,85 faiz çoxdur. 

Yanvarda AYİB-in Azərbaycanda maliyyələşdirdiyi layihələrin sayı isə 33-dən 34-də çatıb. 

Portfelin 92 faizi və yaxud 995 milyon avrosu dayanıqlı infrastrukturun inkişafına, 5 faizi və yaxud 54 milyon avrosu korporativ sektora, 3 faizi və yaxud 33 milyon avrosu isə maliyyə institutlarına yönəldilib.

Ümumilikdə AYİB Azərbaycana 196 layihə çərçivəsində 4,059 milyard avrodan çox investisiya yatırıb.

---