Avropa liderləri ABŞ və Rusiya planını müzakirə etmək üçün Zelenski ilə təcili danışıqlar aparacaqlar

Avropa liderləri müharibənin dayandırılmasına dair ABŞ-Rusiya təklifini müzakirə etmək üçün Ukrayna Prezidenti Volodimir Zelenski ilə təcili danışıqlar aparacaqlar.

FinFly bu barədə "Bloomberg"ə istinadən xəbər verir.

Məlumata görə, Zelenski ilə telefon danışığını Böyük Britaniyanın Baş naziri Kir Starmer, Fransa Prezidenti Emmanuel Makron və Almaniya kansleri Fridrix Merts aparacaq.

Telefon danışığı bu gün Avropa vaxtı ilə günorta saatlarında baş tutacaq.

"Reuters" agentliyi təsdiqləyir ki, Merts danışıqlara vaxt ayırmaq üçün planlaşdırılmış tədbirdə iştirakdan imtina edib.

Bundan başqa, sabah Cənubi Afrikada keçiriləcək G20 sammitinin kuluarlarında liderlərin daha bir görüşünün keçirilməsi gözlənilir.

---