Avropa İttifaqının Rusiyaya qarşı yeni sanksiyalar paketi nə vaxt təqdim edilə bilər?

18 Snt, 2025 17:34

Avropa İttifaqının Rusiyaya qarşı yeni, 19-cu sanksiyalar paketi sentyabrın 19-da təsdiq üçün Aİ Şurasına təqdim edilə bilər.

FinFly bu barədə xarici KİV mənbələrinə istinadən xəbər verir.

"Mən bildiyimə görə, 19-cu paket Avropa Komissiyası tərəfindən sabah (19 sentyabr), cümə günü Aİ Şurasına təqdim olunacaq", - mənbə bildirib.

Digəri isə əlavə edib ki, sanksiyalar paketinin ictimaiyyətə təqdim edilib-edilməyəcəyi və ya Komissiyanın təklifinin ilk olaraq Aİ-yə üzv dövlətlər tərəfindən müzakirə edilib-edilməyəcəyi hələlik məlum deyil.

Sentyabrın 18-də Brüsseldə Avropa Komissiyasının nümayəndələri yeni sanksiyalar paketinin hazır olması üçün konkret tarixi açıqlamaqdan imtina ediblər, lakin onun tezliklə təqdim ediləcəyini təsdiqləyiblər.