AİB Azərbaycan iqtisadiyyatının artım proqnozunu yaxşılaşdırıb

Asiya İnkişaf Bankı (AİB) Azərbaycan iqtisadiyyatının 2025-ci ildə 3,4 faiz, 2026-cı ildə isə 3,3 faiz artacağını proqnozlaşdırır.

Bu barədə FinFly Banka istinadən xəbər verir.

Əvvəlki qiymətləndirmələrlə müqayisədə cari il üçün ÜDM artım tempi proqnozu 0,8 faiz bəndi yaxşılaşdırılıb.

Beləliklə, AİB 2025-2026-cı illərdə Azərbaycan iqtisadiyyatının orta illik artımını 3,35 faiz səviyyəsində qiymətləndirir.

Eyni zamanda, Bank ümumilikdə Qafqaz və Mərkəzi Asiya ölkələrində zəif xarici tələb səbəbindən iqtisadi fəallığın yavaşlamasını gözləyir: 2024-cü ildə regionda artım 5,7 faiz təşkil edibsə, 2025-ci ildə 5,4 faizə, 2026-cı ildə isə 5 faizə düşəcəyi proqnozlaşdırılır.

---