AÇG və “Şahdəniz”dən indiyədək hasil edilən neft və qazın həcmi açıqlanıb

Xəzər dənizin Azərbaycan sektorunda yerləşən "Azəri-Çıraq-Günəşli" (AÇG) yataqlar bloku və "Şahdəniz" yatağı istismara veriləndən bu ilin martın 1-nədək 653,5 milyon tona yaxın neft (kondensatla birlikdə) hasil edilib.

FinFly xəbər verir ki, bu barədə Energetika Nazirliyinin açıqladığı operativ məlumatlarında deyilir.

Bu yataqlar istismara veriləndən bu ilin martın 1-nədək isə 473,1 milyard kubmetr qaz hasil edilib.

Bu müddət ərzində AÇG-dən 604,2 milyon ton neft, 232 milyard kubmetr qaz, "Şahdəniz"-dən isə 49,3 milyon tona yaxın kondensat, 241,1 milyard kubmetr qaz çıxarılıb.

Bu yataqlardan martın 1-nə olan məlumata görə 651,5 milyon ton neft və 172,8 milyard kubmetr qaz ixraca nəql edilib.

---