ABŞ Rusiyaya qarşı yeni sanksiyalara baxmayacaq

ABŞ Senatı ən azı iyul ayına qədər Rusiyaya qarşı yeni sanksiyalar haqqında qanun layihəsinə baxmayacaq.

FinFly xəbər verir ki, bu barədə Semafor portalı məlumat yayıb.

İran və İsrail arasında hərbi əməliyyatlar, eləcə də ABŞ prezidenti Donald Tramp administrasiyası tərəfindən irəli sürülən dövlət xərclərinin azaldılması ilə bağlı qanun layihəsi, anti-Rusiya məhdudiyyətlərinin tətbiqi məsələsini senatorların gündəliyində arxa plana keçirib.

İyunun 16-da Kanadanın Kananaskis şəhərində keçirilən G7 sammiti çərçivəsində Tramp bildirib ki, anti-Rusiya məhdudiyyətləri Qərbə milyardlarla dollara başa gəldiyi üçün Ukrayna ilə bağlı razılığa gəlmək ümidi ilə Moskvaya qarşı sanksiyaları sərtləşdirmək istəmir.

---