ABŞ G7 ölkələrindən Hindistan və Çinə tarifləri artırmağı tələb edəcək

ABŞ G7 ölkələrinə Rusiya neftinin alınması səbəbindən Hindistan və Çinə tarifləri kəskin şəkildə artırmaq üçün təzyiq göstərəcək.

Bu barədə FinFly "Financial Times"a istinadən xəbər verir.

Məlumatda deyilir ki, ABŞ-ın təklifini müzakirə etmək üçün cümə günü G7-nin maliyyə nazirlərinin videokonfransı planlaşdırılır.

Bundan əvvəl "Financial Times" ABŞ prezidenti Donald Trampın Rusiyaya təzyiq göstərmək üçün Aİ-ni Çin və Hindistana 100% tariflər tətbiq etməyə çağırdığını yazıb.

Həmçinin vurğulanır ki, Tramp müttəfiqlərini G7-yə daxil etmək üçün səylərinin miqyasını genişləndirir.

---