ABA 35 illik yubileyi münasibətilə Azərbaycan Respublikasının Prezidentinə müraciət ünvanlayıb

Azərbaycan Banklar Assosiasiyası ölkənin bank sektorunu birləşdirən qurum olaraq, 35 illik yubileyi münasibətilə Azərbaycan Respublikasının Prezidenti  İlham Əliyevə müraciət ünvanlayıb.

ABA-nın yaydığı məlumatda bildirilir ki, müraciətdə dövlət başçısının rəhbərliyi ilə həyata keçirilən iqtisadi siyasətin bank-maliyyə sektorunda dayanıqlı inkişafı təmin etdiyi vurğulanıb.

Müraciət mətnində ABA bəyan edib ki, üzvləri ilə birlikdə bundan sonra da maliyyə-bank sisteminin dayanıqlı və innovativ inkişafına töhfə verməyə, maliyyə əlçatanlığını artırmağa və ölkənin iqtisadi inkişafını effektiv şəkildə dəstəkləməyə sadiq qalacaq. Xüsusilə işğaldan azad olunmuş ərazilərdə müasir bank-maliyyə infrastrukturunun qurulmasında bank sektorunun bundan sonra da fəal iştirak edəcəyi bildirilir.

Müraciətdə bank icması adında Prezident İlham Əliyevə göstərdiyi davamlı dəstəyə görə dərin təşəkkür ifadə olunur.

---