2025-ci ildə Orta Dəhlizlə 4,2 milyon ton yük daşınacaq - Abdikerimov

2025-ci il üçün Orta Dəhliz üzrə yükdaşıma planına əsasən 4,2 milyon ton yükün nəqli gözlənilir.

FinFly xəbər verir ki, bunu Bakıda jurnalistlərə açıqlamasında “Trans-Xəzər Beynəlxalq Nəqliyyat Marşrutu” Beynəlxalq Assosiasiyasının baş katibi Qaydar Abdikerimov deyib.

Onun sözlərinə görə, qeyd olunan həcmin 2,5 milyon tonu quru, 1,7 milyon  tonu isə neft yüklərinin payına düşəcək.

Baş katib onu da vurğulayıb ki, otən il Orta dəhliz vasitəsi ilə 3 332 min ton yük daşınıb, bunu da 1 857 min tonu quru yüklərin payına düşüb.

---