2025-ci ildə Azərbaycandan elektrik enerjisi ixracının həcmi açıqlanıb

2025-ci ilin yanvar-fevral aylarında Azərbaycan 16,4 milyon dollar dəyərində elektrik enerjisi ixrac edib.

Bu barədə FinFly İqtisadi İslahatların Təhlili və Kommunikasiya Mərkəzinin dərc etdiyi “İxrac İcmalı”na istinadən xəbər verir.

Məlumata görə, bu, 2024-cü ilin analoji dövrü ilə müqayisədə 18,5 milyon dollar və ya 53 faiz azdır: "Ötən ilin eyni dövründə Azərbaycandan 34,9 milyon dollar dəyərində elektrik enerjisi ixrac edilib".

2025-ci ilin yanvar-fevral aylarında Azərbaycanın qeyri-neft ixracının həcmi 2024-cü ilin müvafiq dövrü ilə müqayisədə 6,6 faiz artaraq 485 milyon ABŞ dolları təşkil edib.

---