“KazMunayQaz” BTC ilə neft ixracının bərpasını müzakirə edir - Nazir

Qazaxıstanın "KazMunayQaz" milli şirkəti Bakı-Tbilisi-Ceyhan boru kəməri ilə neft ixracının bərpası ilə bağlı danışıqlar aparır.

FinFly xəbər verir ki, bunu Qazaxıstanın energetika naziri Erlan Akkenjenov deyib.

Nazir qeyd edir ki, Qazaxıstan neftinin BTC vasitəsilə tranzitinin dayandırılması ilə bağlı məlumat yayılıb:

"Hazırda biz bu marşrutla [tranzitin] mümkün qədər tez bərpası üçün danışıqlar aparırıq".

Qazaxıstanın Bakı-Tbilisi-Ceyhan boru kəməri ilə öz neft ixracının həcmini artırmaq planlarına toxunan Akkenjenov bildirib ki, kəmərin ötürücülük qabiliyyəti ildə 50 milyon ton olduğu halda, nəqlin faktiki həcmi isə ildə təxminən 25 milyon ton təşkil edir.

"Planları yerinə yetirmək üçün imkanlar var, ötürücülük qabiliyyətidə buna imkan verir. Əgər [Qazaxıstandan] iqtisadi maraq olarsa, neft həmişə tapılacaq", - nazir bildirib.

---