"Finex Kredit" BOKT nizamnamə kapitalını artıracaq

Oktyabrın 2-də, saat 11:00-da "Finex Kredit" ASC bank olmayan kredit təşkilatının (BOKT) səhmdarlarının növbədənkənar ümumi yığıncağı keçiriləcək.

FinFly xəbər verir ki, yığıncaq Bakı şəhəri, Nəsimi rayonu, Süleyman Rüstəm küçəsi, 11 ünvanında olacaq.

Yığıncağın gündəliyinə BOKT-un nizamnaməsi kapitalının artırılması və digər məsələlər daxildir.

Xatırladaq ki, "Finex Kredit" 2013-cü ildə yaradılıb. Onun nizamnamə kapitalı 1,494 milyon manatdır. BOKT-un səhmlərinin 26,7 faizi Azad Cəbrayılova, 16,7 faizi Səməd Mirzəyevə, 16,5 faizi Ramina Allahverdiyevaya, 13,4 faizi Səadət Mirzəyevaya, 10,2 faizi Şəlalə Tağıyevaya, 7,5 faizi Tokay Şıxəlizadəyə, 3,6 faizi Rövşən Məmmədova, 2,3 faizi Mobil Şərifova, 2 faizi Xaqan Mirzəyevə, 1,1 faizi isə Gülnarə Tağıyevaya məxsusdur. 

---