"Bitcoin"in qiyməti 96 min dolları ötüb

Kriptovalyuta bazarında əsas aktivlər üzrə qiymət artımı davam edir.

FinFly ticarət məlumatlarına istinadən verdiyi xəbərə görə, "Bitcoin"in qiyməti 96 min dolları ötüb.

Məlumata görə, Bitcoin gün ərzində 0,2 faiz artaraq 96 198 dollar səviyyəsində ticarət olunub. Bazarda ikinci ən böyük kriptovalyuta olan Ethereum da müsbət dinamika göstərərək 0,47 faiz bahalaşıb və 3 302 dollar səviyyəsində qərarlaşıb.

Ən iri stabilkoinlər olan Tether (USDT) və USD Coin (USDC) 1 dollar ətrafında sabitliyini qoruyub. Bu seqmentdə ciddi qiymət dəyişkənliyi qeydə alınmayıb.

---