"Bakı Fond Birjası"nın dövriyyəsi 2 dəfədən çox artıb

2025-ci ilin yanvar-aprel aylarında "Bakı Fond Birjası" QSC-də (BFB) bütün maliyyə alətləri üzrə bağlanmış əqdlərin ümumi dəyəri 27 milyard 125,237 milyon manat təşkil edib.

FinFly BFB-yə istinadən xəbər verir ki, bu, ötən lin eyni dövrünə nisbətən 2,4 dəfə çoxdur.

Məlumata görə, son 1 ildə bağlanmış əqdlərin sayı isə 2,2 dəfə artaraq 9 694 olub.

BFB-nin dövriyyəsinin 83,8 faizi və yaxud 22 milyard 728,231 milyon manatı repo əməliyyatlarının payına düşüb. Bu, illik müqayisədə 3 dəfə çoxdur.

Hesabat dövründə dövlət qiymətli kağızları üzrə əqdlərin dəyəri 16,5 faiz artaraq 3 milyard 272,348 milyon manat, korporativ qiymətli kağızlar bazarı üzrə əqdlərin dəyəri isə 68,1 faiz artaraq 1 milyard 124,657 milyon manat olub.

---